Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Промоција на „Небесна пантомима“ од Зоран Анчевски

0

 

Во библиотеката „Тане Георгиевски“ во Куманово, вечерва во 19 часот, ќе биде промовирана збирката поезија на Зоран АнчевскиНебесна пантомима“, во издание на Темплум. Книгата ќе ја претстави писателот и литературен критичар Оливера Ќорвезировска , а стихови ќе чита артистката Кети Дончевска Илиќ.

Поетот и преведувач Зоран Анчевски за книгата „Небесна пантомима“ е годинешен добитник на наградата „Браќа Миладиновци“ на Струшките вечери на поезијата, за најдобро поетско остварување меѓу два фестивала.

Зоран Анчевски е значаен македонски поет, есеист, литературен преведувач и професор по англо-американска литература. Досега ги има објавено стихозбирките: „Патувања низ скршени слики“ (1984), „Стратегија на поразот“ (1994), „Линија на отпорот“ (1998), „Превод на мртвите“ (2000), „Див мир“ (2004), „Избрани песни“ (2008), „Историја на ветрот“ (2009), како и обемната студија „За традицијата“ (2007). Преведувач е и уредник на голем број поетски антологии, избори и прозни дела на врвни светски автори на македонски јазик.

За својата преведувачка дејност ја има добиено наградата Григор Прличев во 2001.

Share.

About Author

Остави коментар

Powered by themekiller.com