ОСНОВАНА АКАДЕМИЈА АНТЕ ПОПОВСКИ

0

 

Како дел од програмските активности на меѓународната поетска манифестација „Анте Поповски – Антево перо“, што се одржа во родното село на поетот Лазарополе, беше основана Академија Анте Поповски.

Академијата е составена од вкупно 17 членови и тоа: Жорж и Александар Поповски, новинари, синови на Анте Поповски, проф.д-р Венко Андоновски, проф.д-р Кристина Николовска, д-р Атина Цветаноска, Митко Гогов, писател и концептуален уметник, Славе Ѓорѓо Димоски, писател, Софија Гогова Врчаковска, актер, Виолета Џолева, режисер, проф.д-р Миодраг Врчаковски, Михаил Ренџов, писател, Живко Поповски Цветин, ликовен уметник, Медат Куртовски, градоначалник на Општина Маврово и Ростуше, Никола Шалваринов, директор на Агенцијата за иселеништво на Република Македонија, Томислав Османли, писател и новинар, д-р Марина Мијаковска и Јелена Перинска.

На основачкиот состанок беше речено дека членовите ќе имаат официјален мандат и обврска во рамките на нормативно- правните акти на Академијата (кои ќе бидат донесени на една од наредните седници), да се грижат за заштита на ликот и делото на Анте Поповски, преку натамошен растеж и афирмација на меѓународната поетска манифестација „Анте Поповски-Антево перо“. Членовите на Академијата изнесоа повеќе конкретни предлози во насока на збогатување на Манифестацијата.

Освен распишување на конкурсот за необјавена поетска книга на македонски јазик во конкуренција за наградата „Антево перо“, публикување на наградената стихозбирка, и одржување на неколку поетски читања, меѓу другото, се планира следното издание на Манифестацијата да биде збогатена со одржување на работилници за креативно пишување и ликовно творештво во Скопје и Лазарополе, подготовка на аудио и видео материјал со најзначајните акценти од програмата, како и реализација на музичко – сценски и поетско- ликовни содржини.

Заложбите на Академијата ќе бидат и во насока на заштита на Библиотеката на Анте Поповски во село Лазарополе и ставање на расположивиот книжниот фонд во поширока функција, но и поставување на спомен плоча на куќата во која живеше и твореше Анте Поповски. Зацртано е и продлабочување на соработката со Општина Ѓорче Петров, како и со Месната заедница од село Лазарополе, со цел успешно приведување кон крај на започнатиот зафат за реновирање и разубавување на паркот на поезијата на мијачкиот крај во Селото и негово заживување преку организација на поетски читања, како дел од Манифестацијата.

Академијата Анте Поповски и во иднина доста внимателно ќе се проширува со нови членови, но основачите се убедени дека станувањето член на Академијата со текот на времето ќе биде престиж за многумина.

Share.

About Author

Остави коментар

Skip to toolbar

Powered by themekiller.com